Asteazken honetako 12:00ak aldera, SOS Deiak 112 larrialdietako zerbitzuari jakitera eman diote gizon batek orkatila okertu eta min hartu duela Atxuri mendian, Agurainen, Iturrietako Mendietan. Gizona lagun batekin zegoen, baina lesioaren ondorioz ezin zuen ibili.
Hortaz, Eusko Jaurlaritzako Larrialdiei aurre egiteko Zuzendaritzako teknikari batek Ertzaintzaren helikoptero bat, Zaintza eta Erreskate Unitateko Mendiko Ataleko agenteak eta Arabako suhiltzaileak mobilizatu ditu lekura joateko. Zauritutako gizona argigune batera eraman dute.
Ondoren, Ertzaintzaren helikopteroak Iturrietako Mendietatik jaitsi du, eta suhiltzaileen Aguraingo basera eraman. Bertan zain zuen anbulantziak Gasteizko Santiago ospitalera eraman du.