Indarkeria matxista

Indarkeria matxistaren aurkako gela Zalduondoko gune publikoetan

Gel banagailuen ondoan, indarkeria matxistari aurre egiten laguntzeko liburuxkak daude. / Z.U.

Zalduondoko Udalak gel hidroalkoholikoko banagailuak kokatu ditu herriko hainbat puntutan, informazio praktikoa jasotzen duen liburuxka batekin batera. Indarkeria matxistaren aurrean ez ezazu eskuak garbitu da kanpainaren leloa.

Eskuak gel hidroalkoholikoarekin garbitzeko keinua bazter guztietara zabaldu da pandemia garai honetan, eta Zalduondoko Udalak keinu hori baliatu nahi izan du emakumeek jasaten duten indarkeriari aurre egiteko eta gai horri buruz kontzientziatzeko.

Datozen hilabeteetan, zalduondarrek eta bisitariek informazioa jaso ahal izango dute hainbat gune publikotan kokatutako gel banagailuen erakustokietan, eskuak desinfektatzera jotzen duten bakoitzean. Bertan, indarkeria matxistari aurre egiten laguntzeko liburuxkak eskuratu ahal izango dira, hainbat edukiekin: emakumeek jasaten duten indarkeriari buruzko informazio praktikoa, harremanetarako telefonoak, arreta psikologikoko zerbitzua, aholkularitza juridikoa, biktimei arreta emateko zerbitzua eta abar.

"Hau da, zer egin? Eta nora jo?", azaldu du Zalduondoko Udalak. Egitasmoak indarkeria matxistaren aurkako Estatu Itunaren finantzaketa izan du.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide