3.000 oilo ekologiko ditu Zalduondoko ustiategi berriak

Oilo ekologikoen ustiategi berria, Zalduondon. / AFA

Iñaki Urcelay abeltzainak Zalduondon martxan jarri duen ustiategiko 3.000 oiloek 840.000 arrautza ekologiko inguru emango dituzte urtean. OVO12 Kooperatibak Euskalovo Km.0 markaren bidez merkaturatuko ditu.

Astearte honetan, Iñaki Urcelay abeltzainak Lautadan martxan jarri duen oilo ekologikoen proiektuaren inaugurazioan izan da Ramiro Gonzalez Arabako ahaldun nagusia. Ustiategi berriko 3.000 oiloek 70.000 dozena (840.000) arrautza ekologiko inguru ekoitziko dituzte urtean.

Proiektua OVO12 Kooperatibaren parte izango da, eta kooperatiba horrek Euskalovo Km.0 markaren bidez merkaturatuko ditu arrautzak.

300.000 euroko inbertsioa egin behar izan da ustiategia martxan jartzeko, eta Arabako Foru Aldundiak horietako 75.000 jarri ditu, Arabako nekazaritza sektoreari laguntzeko planaren deialdiaren bidez emandako laguntza gisa.

"Pozgarria da ikustea horrelako proiektuak, kontsumo ohitura berriekin, animalien ongizatearekin, jasangarritasunarekin eta landa garapenarekin hain lotuta daudenak, gure lurraldean pixkanaka ugaritzen ari direla", ospatu du Gonzalezek. "Kontsumitzaileari erakusten diogu posible dela elikagai osasungarria eskaintzea, poltsiko guztien eskura dagoena, gure ingurunea zainduz, animaliei pentsu naturalen bidez tratu ona emanez eta aire zabalean".

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide