Donemiliagan askotariko erabilera izango duen udal eraikin berria egiten ari dira. Irailean hasi ziren lanekin, eta aurreikusi bezala baldin badoa, datorren urte hasierarako amaituta egotea espero du bertako alkate Erika Letamendik.
125 metro karratu izango dituen solairu bakarreko eraikin hori udal ibilgailua sartzeko erabiliko da, eta baita biomasa galdararako egurra gordetzeko ere. Horrez gain, hainbat areto ere izango ditu, herrian antolatzen diren jarduerak hartuko dutenak. Aurrekontua 248.962 eurokoa da.€