Alea TB

Zuhaitzak landatu dituzte Dulantziko eskolako umeek, aldaketa klimatikoaren kontra

Mirian Biteri 2020ko mar. 2a, 18:15

Dulantziko eskolan Ostiral Berdeak izeneko egitasmoa jarri dute martxan. Proiektuak aurreikusten dituen ekintzen artean, zuhaitz landatzea dago; bigarrena otsailaren 28an egin zuten HH5 geletako neska-mutikoekin.

Dulantziko eskolara hurbildu zen ALEA iragan ostiralean, antolatu duten bigarren zuhaitz landatzera. Ikasketa buru Gladys Martinezek egitasmoaren nondik norakoak azaldu ditu.

"Orain komunikabideetan pil-pilean dago aldaketa klimatikoaren gaia, eta ikasleek hori ikusten dute", azaldu du Martinezek. Ikasleak hori aldatzeko gai direla ikusarazteko, ostiralero klase bakoitzak ekimen bat egingo du klima aldaketari aurre egiteko. Hainbat ekintza egin dituzte orain arte, eta zuhaitzak landatzeaz gain, herria garbitzen ere egon direla azaldu du ikasketa buruak.

Kontzientziazio kanpainak ere ez dira falta, herrian sortzen den zaborraren edota eskolara oinez joateko beharraren inguruan; besteak beste, pankartak jarri dituzte herrian zehar, eta oihalezko poltsak egiteko logoak diseinatu dituzte.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide