[BERTAN BEHERA] 'Nola adostu talde batean Euskaraldiaren hizkuntza-praktika berriak?' Mintegirako izen-ematea

BERTAN BEHERA, koronabirusagatik.

Martxoaren 26an, osteguna, 9:30etik 13:30tara, Dulantzin, Euskaraldiaren hizkuntza-praktika berriak talde batean nola adostu prozesuan sakontzeko mintegi bat antolatuko du Lautadako Euskararen Komunitateak (LEK) ondorengo izenburuarekin: Nola adostu talde batean Euskaraldiaren hizkuntza-praktika berriak?

Izena emateko 25 euro ingresatu behar da eta inskripziorako datuak bete, Lautadaneuskaraz.eus webgunean.

Hona hemen egitaraua:

9:30. Ongi Etorria
Dulantziko Udala, Vital Fundazioa, Arabako Foru Aldundia

9:45. Zein faktorek eragiten dute adostasuna lortzeko? Andere Ormazabal, Ainhoa Narbaiza (Joxemi Zumalabe)

10:15. Nola izan portaera asertiboa hizkuntza-praktika berriak adostu nahi dituen talde batean? Ainhoa Lasa (EMUN)

10:45. Zergatik begiratu hizkuntza-praktikei talde ikuspegitik? Pablo Suberbiola (Soziolinguistika Klusterra)

11:15. Udal lantalde batean, nola proposatu hizkuntza-praktika berriak adosteko? Iraitz Lazkano (UEMA)

11:45. Kafea

12:30. Enpresaren eta langilearen interesen ikuspuntutik, zein argudio eman hizkuntza praktika berriak adosteko lantalde batean? Karmelo Ayesta

13:00. Zein pausu eman du Mugimendu Feministak hizkuntza-praktika berriak adosteko? Alazne Beltran de Lubiano (Bilgune Feminista)

13:30. Itxiera