Pneumatiko baten eztandaren ondorioz, 68 urteko gizonezko bat hil da Aguraingo Cariñanos nekazaritza makineria lantegian, Gurutzebideko poligonoan; 13:30ak aldera gertatu da ezbeharra. Ertzaintzak jakinarazi duenez, traktore baten gurpil bat puzten ari zen eztanda egin duenean.
Hildakoaz gain, bi pertsona zauritu dira eta Gasteizko Santiago Ospitalera eraman dituzte; "zauri larriak" dituzte, ezagutzera eman dutenez.