Txakurrentzako bainua, Aguraingo igerilekuetan

"Herritarren eta animalien arteko elkarbizitza hobetzeko asmoz", egun berezia prestatu dute larunbaterako.

Aguraingo kanpoko udal igerilekuetako udako denboraldia amaituta, maskotentzako egun berezi bat prestatu dute. Larunbat honetan, irailaren 14n, bertan bainua hartzeko aukera izango dute txakurrek. 10:30etik 13:30era eta 16:30etik 19:30era bitartean izango dute aukera horretarako.

Animalia guztiak heldu batek lagunduta joan beharko dira, eta honek animaliaren ardura izango du. Maskotaren jabearen NANa eta animaliaren osasun-txartela eramatea derrigorrezkoa izango da. Maskota bakoitzeko, euro bat jasoko du Apasos animalien babeserako elkarteak.

Udaletik jakinarazi dutenez, animalien eta herritarren arteko "elkarbizitza hobetzeko ekimena" izango da larunbatekoa.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide