Iruraiz-Gaunako Langarika herriko urmael batean gizon baten gorpua aurkitu dute igande arratsaldean, Eusko Jaurlaritzako Segurtasun sailak jakitera eman duenez.
Herritar batek arropak aurkitu zituen goizean, urmaelaren bazterrean, eta Ertzaintza deitu zuen. Bertara hurbildu ziren Larrialdietarako Zerbitzuetako ertzainak, eta arratsalde partean aurkitu zuten gizonaren gorpua. Auzitegiko institutu anatomikora eraman dute, autopsia egiteko.
Segurtasun sailak azaldu duenez, inork ez du desagerpenik salatu inguruan.