Gereñuko Audikana Saez de Bikuña Idiazabal gaztaren gaztandegiak Pirinioetako artisau-gazta lehiaketan zilarra irabazi du, ardi esnez egindako gazta modalitatean. Aiaraldeko Izoria S.L gaztandegiak, berriz, brontzea lortu du, gazta freskoaren kategorian. Lehiaketa Kataluniako Seo de Urgellen ospatzen da, Fira de Sant Ermengol azokan, eta Pirinioetako gaztek parte hartzen dute (katalanak, aragoiarrak, frantsesak eta Euskal Herrikoak). Aurtengo azokan 120 gaztagile aurkeztu dira lehiaketara.
Gazta lehiaketaz gain, Pirinioetako artisau-gazta azoka honetan gaztazaharra lehiaketa ere antolatzen da, eta Idiazabal izendapeneko Ilarduiako La Leze gaztandegiak brontzea eraman du.