Bi lagun hil dira gaur A1 errepidean izandako istripu batean. 14:00ak aldera gertatu da ezbeharra. Antza denez, Gasteizerako noranzkoan, geldirik zegoen kamioi baten kontra talka egin du auto batek. Kotxean zihoazen bi lagunak hil dira bertan.
Ertzainak, suhiltzaileak eta osasun arloko langileak ari dira une honetan han lanean, eta itxita dago errepidea zati horretan.