Pertsona bat hil da A-1 errepidean, Donemiliagan, gaur goizean izandako istripu batean. 07:30ean izan da ezbeharra.
Irungo noranzkoan zihoan furgoneta bat bidetik atera da eta bertan hil da gidaria. Ertzaintza, anbulantziak eta suhiltzaileak bertara heldu direnerako, 385. kilometroan, hilik zegoen gidaria.
Gertatutakoa ikertzen ari dira orain; Eusko Jaurlaritzako Segurtasun Sailetik jakinarazi dutenez.