Buruhandien eta erraldoien erakusketa zabaldu dute Dulantziko kultur etxean, IV. Lautada Egunarekin batera. Bertan bildu dituzte Kuadrillako herri ezberdinetako hogeita hamarretik gora pertsonaia. Hainbat herrietako gazteek eta helduek bere eskuekin eginikoak dira. Besteak lantegi profesionaletan erositakoak, Dulantzi, Agurain edota Asparrenekoak.
Baietz harrapatu! titulupean inauguratu zuten joan den igandean, azaroaren 5ean, erakusketa berezia, eta hilabete honen 25era arte zabalik izango da. Dulantziko Kultura zerbitzuko Maite Martinez de Marañon arduratu da buruhandiak bildu eta erakusketa antolatzeaz, eta David Tavaresek egin du muntaketa lana.