Henaioko kastroa sustatzeko konpromisoa hartu dute

Burdin Aroko herrixka ezagutarazteko lehen neurria 'www.alavaturismo.eus' webgunean eskaintzea izango da.

Arabako Diputazioak eta Dulantziko Udalak elkarlanean jardungo dute Henaioko kastroko gune historikoaren balio turistikoa ezagutarazten. Lehen neurria baliabide turistikoa www.alavaturismo.eus atarian eskaintzea izango da, herrixkaren jatorriari buruzko informazioa eskainiz eta interpretazio gunea eta herrixka zahar horretako biztanleen bizimodua birsortzen duten bi etxebizitza ikusteko aukera emanez.

Aste honetan izan da Turismo Sustapeneko diputatu Cristina Gonzalez kokaleku hori ikusten, Dulantziko alkate Joseba Garitagoitia ondoan zuela. Egungo turismo azpiegiturez eta bertan sustatu daitezkeen ekintza eta jarduera didaktikoez hitz egin dute bisitan, horiek hobetzeko eta aberasteko asmoz.

Henaioko kastroa izen bereko muino gainean dago, Dulantzitik kilometro gutxira. Azken Brontze  Aroan eta Burdin Aroan zehar bertan bizi ziren jatorri zeltiberiera eta erdialdeko Europako familien bizimodua azaltzen diete bisitariei. Ondoan dauden bi etxebizitza ikustearekin batera, markatuta duen txango txikia ere egin dezakete, berreraikitako harresiak bisitatuz.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide