Gaur goizean Michelin enpresak instalazio berriak inauguratu ditu Araian. Zehazki, 30.000 metro koadro handitu du Asparrenan kokatzen den biltegia eta "abangoardiako zentro logistiko" bilakatu du, Arabako Foru Aldundiako diputatu nagusi Ramiro Gonzalezek inaugurazioan adierazi duen moduan.
13 milioi euro inbertitu dira handitze-lanetan eta 100-150 langile gehiago egotea ahalbidetuko du. Instalazio hauetan Betoñuko lantegian fabrikatzen diren pneumatikoak biltzen ditu Michelinek.
Gasteizko langileen lanuzteak
Bitartean, Gasteizko fabrikako 3.500 langileak lanuzteak egitera deituta zeuden gaurko, oraindik Gasteizko Michelineko gehiengo sindikalak ez baitu lan hitzarmenaren proposamena sinatu.