Geroari begira lelopean, Araba Euskaraz ikastolen aldeko jaia ospatuko dute datorren ekainaren 19an Agurainen. Aurretik, baina, jaian izango dena aurkezteko ekitaldia egingo dute datorren ostiralean, hilaren 22an, Agurainen bertan. 18:00etan elkartuko dira, Harresi aretoan.
Ekaineko jaiaren inguruko guztiak aurkeztuko dituzte, tartean Aguraingo hainbat lagunek prestatu duten kanta. Kontzertu akustikoa eskainiko dute Harresi aretoan biltzen direnentzako, eta aurrerago Hedatu taldea arduratuko da kantatzeaz.
Aurtengo Araba Euskaraz Lautada ikastolari bultzada emateko baliatuko dute. Halaber, Aguraingo AEK-k egiten duen lana nabarmenduko dute, omenaldi baten bitartez; helduen euskalduntzean izan duen eta duen garrantzia azpimarratu nahi dute.