Egun batean pozik eta lasai zaude etxean, adibidez, liburu bat irakurtzen, eta bat-batean medikuaren deia jaso duzu: zerbait gaizki dagoela esaten dizu. Eta une horretan, denbora gelditzen da. Medikuarengana zoaz eta honek minbizia duzula esan dizu.
Oraindik ez da oso larria, baina proba gehiago egin behar dituzu gaixotasun honi nola aurre egin diezaiokezun ikusteko. Jendearekin hitz egin duzu, eta denek esaten dizute positiboa izan behar duzula, gaixotasun bera izan duten eta orain oso ondo dauden pertsona asko daudela. Eta solasaldi positibo horien ondoren, jendea txistuka doa etxera, egindako lan onagatik zoriontzen; baina zu ez zaude hain ondo, arazoa barruan daramazulako.
Aholku guztiak entzun ondoren eta beldurra pixka bat baretu denean, medikuaren deia jaso aurretik irakurtzen ari zinen liburua hartu eta irakurtzen jarraitzen duzu. Badakizu zeure buruari egin diezaiokezun mesederik onena borrokari lasaitasunez aurre egitea dela. Eta irabaziko duzun konfiantza duzu…
Txema Tocino.
Iritzi artikulu hau argitaratzean, ALEAk ez ditu bere gain hartzen egileak adierazitako iritziak, ezta horiekin lotutako erantzukizunak. Zure iritzia bidali nahi baduzu, idatzi erredakzioa@alea.eus helbide elektronikora.