Gabon digitala

Erabiltzailearen aurpegia
Arg: Pixabay

"Bilera birtualak ez dira lan-tresna hutsak; adiskidetasuna bultzatzen lagun dezakete" 

Gabonak hemen dira, eta, horrekin batera, espiritu positiboak ere nabarmen gora egiten duela dirudi. Baina maila pertsonalean ez ezik, arlo profesionalean ere Gabonak arrastoa uzteko gai dira; egun horiek enpresetan ospatzea tradizio bihurtu izan da orain arte.

Baina enpresak telelanera edo, hala badagokio, segurtasun- eta urruntze-neurriak ezaugarri nagusi duten aurrez aurreko lanera aldatzean, ohiko enpresa-afariak, ekitaldi korporatiboak eta opari fisikoak ematea, besteak beste, zaildu egiten da aurten.

Izan ere, egutegia ez da gelditzen, eta egoera horren aurrean enpresa guztiak behartuta daude, edozein tamaina eta egitura dutela ere, Gabon bereziak bizitzera. Irudimena erabili behar da, inoiz baino gehiago, enpresa eta langileen arteko loturak indartu daitezen, bai eta guztiontzat bereziki zaila izan den urte bateko ahalegina kontuan hartzeko ere.

Langileei opari fisikoak ematea osasuna babesteko garai hauek eskatzen dituzten segurtasun neurri eta protokolo-multzoa abian jartzea dakar. Are gehiago, enpresa askok langileei emandako Gabonetako ohiko lotea otar birtual batengatik ordezkatzea planteatzen ari dira. Kasu honetan, enpresak langileari ematen dion saskia ziberespazioan ematen da, horretarako prestatutako webgune baten bidez. Langileak zorion-mezua jaso eta oparia aukeratzen du, eta zuzenean bere etxera bidaiatuko du.

Bestalde, aurrez aurreko ekitaldiak ditugu: enpresek ez dute Gabonek laguntasunerako eskaintzen duten gunea alde batera utzi nahi. Bilera birtualak ez dira lan-tresna hutsak, adiskidetasuna bultzatzen lagun dezakete eta baita batzuetan telelanak ekar dezakeen bakardade-sentsazioa murriztu ere. Aldaketen urtea, Gabon digitalagoak.

Eguberri zoriontsuak eta 2021 urte oparoa guztiontzat!

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide