59 entitate aktibo eta 500 lagun barne ariguneetan

Lautadako Euskaraldiaren Simulakroaren hirugarren eguna. / Argazkia: Alea

Lautadako 500 herritar barne-ariguneetan ari dira Euskaraldiaren Simulakroa egiten. Gaur hirugarren eguna izan da.

Ariguneetan errazagoa da ahobizi edo belarriprest izatea. Entitateek dute ardura aktibatzeko. Entitatearen berezko talde bat: sail bat, klubeko talde bat, atal bat, sekzio bat…

Talde horretan kideen %100ek euskaraz ulertzen dute eta kideen %80 ados dago ahobizi edo belarriprest roletan parte hartzearekin Euskaraldiak irauten duen bitartean. Gutxienez bi lagunez osatua dago.

Kide guztiek euskaraz ulertzen duten taldeetan gerta daiteke erdaraz funtzionatzea: haien arteko harremanak, bilerak, komunikazioak... Entitateak talde hauei hizkuntza ohiturak aldatzea proposatu ahal die.

Oraingo simulakroan, Lautadako 59 entitatetan barne arigune aktibo bat dago, eta 500 lagun inguru ari dira ariketa egiten barne-arigune horietan.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide