Euskaraldia: 11 egun euskaraz ariketa sozialean parte hartzeko izen-emate epea zabalik dago Euskal Herri osoan. Irailaren 20tik aurrera euskara praktikan jarri nahi duten herritarrek izena eman ahalko dute parte hartzeko hizkuntza ohiturak astintzea helburu duen ariketa sozialean. Horretarako, euskaraldia.eus, webgune hau, baliatu ahalko dute. Bertan, izen-emate formularioa dago; parte hartzeko belarriprest eta ahobizi rolen artean erabaki beharko dute. Horretarako webgunean bertan topatuko dute erabakia hartzen lagungarria izango zaien informazioa.
Hortxe izena emateko esteka:
http://izenematea.euskaraldia.eus/
Izen emate ofizialari hasiera emateko ekitaldia Iruñeko Zentral antzokian antolatu zen. Bertan egon ginen Lautadako ordezkariak. Euskaraldiko kantua aurkeztu zuten ekitaldian. Abestiaren egileak dira Las Tea Party, La Basu, Ines Osinaga eta Maddalen Arzallus.
