Vital Fundazioarekin hitzarmena sinatu dute Lautadako euskaltzaleek. Ainhoa Arbaiza Alvarezek, Lautadako Euskararen Komunitatearen izenean, eta Vital Fundazioaren Josune Albizu Urteagak lankidetza hitzarmena sinatu dute.
11 Egun Euskaraz ariketa soziala Lautadako herri guztietara iristeko eta eskualde osoan koordinatuta antolatu ahal izateko ezinbesteko diru laguntza izango da.
Izan ere, Lautadako instituzioek bere gain hartu dute aurkeztutako aurrekontuaren erdia, Euskaraldia finantzatzeko ezohizko ekarpen ekonomiko bat eginez, hau da, orain arteko euskararentzako udal aurrekontua handituz. Baina aurrekontua osatzeko beste diru iturri batzuk bilatu behar dituzte Lautadako euskaltzaleek aurrekontu osoari aurre egiteko.
Finantziazio honek Lautadako herrietako kolektibo, establezimendu, erakunde eta herritarren artean Ahobizi eta Belarriprest metodologia sustatzea eta inplementatzea ahalbidetuko du. Handia da ekimenak piztu duen interesa Lautadan; dagoeneko, 42 herriek erabaki dute ekimena sustatzea.
https://lautada.euskaraldia.eus/vital-fundazioa-hitzarmena/