Ahobizi / Belarriprest metodologia sustatuz eta inplementatuz ohitura linguistikoak aldatzea da helburu nagusia. Helburu hau aurrera eramateko talde txikiago bat osatzea beharrezkoa da, funtzionala izateko, eguneroko erabakiak hartuko duena: Lautadako Talde Eragilea. Lautadako Euskararen Komunitatearen kidez osatuta eta Lautadako instituzioen ordezkaria izango den eskualdeko euskara teknikariarekin batera lanean hasi da. Talde motorra izango da, gizarte eragile eta instituzioen arteko elkarlana bermatuko duena, eta koordinatuko duena eskualde osoa: 8 udala, 63 herri, 12.0000 biztanle.
Talde Eragile honen eginkizunak hauexek izango dira:
-Ekimena herrira egokitu.
-Herrirako plangintza propioa landu eta gauzatu.
-Ekimena gauzatu ahal izateko baliabide ekonomikoak lortu.
-Entitate eta euskaltzale gehiago inplikatu, sustatzaile izango direnak. Bisiten bitartez ekimena hurbildu.
-Parte hartzaileentzako motibazio eta formazio saioak aurreikusi eta antolatu.
-Komunikazio orokorreko euskarriak herriaren beharretara egokitu edota berriak sortu.Herriko izen ematea antolatu (noiz, non, nork,..).
Hamabost egunetan behin elkartzen da, asteazkenetan, 20:00etan Araia, Dulantzi eta Agurainen artean bilerak txandaka eginez.
Momentuz, 8 lagunez osatutako taldea da. Norbaitek talde honetan parte hartzeko interesa izanez gero idatzi edo deitu: lautadan.euskaraz@gmail.com, 605 29 09 51.
https://lautada.euskaraldia.eus