Naziek erabiltzen zuten makina zen eta, espioi lan askoren ostean, aliatuek kodea deskubritu zutenean, gerra irabazteko berebiziko garrantzia izan omen zuen. Guk geuk ere kodeak erabiltzen ditugu gure errealitatea 'deszifratzeko', nolabait esateko, 'Enigma makina' propio bat badugula. Kodeok heredatuak, ikasiak edo/eta propioak izango dira, guztiak ere norberaren kode-saldoa osatuko dutenak. Baina kode horiek partitu egin ditzakegu, gugandik oso ezberdinak diren kodeak ikasi ditzakegu, gureak moldatu eta ondorioz kode anitzak sortzeko. Aniztasun horri esker, errealitate ezberdinak deszifratu ditzakegu eta mezu ezberdinak ezagutu.
Halaber, azkenaldian agertu dira gure inguruan kode uniforme, elebakar eta ortodoxo bat behar dugula esaten digutenak. Nire ustez, ordea, zenbat eta kode anitzagoak izan errealitate ezberdin eta interesgarriagoak 'deszifratuko' ditugu, gu geu aberatsago egingo gaituztenak. Horretarako, lagun, zure 'Enigma makinan' erabiltzeko kode bat proposatu nahi dizut, guztion artean partitu eta disfrutatu dezakeguna: 'Gora Gasteiz' kodea.