Urtero, maiatzaren 15ean, Palestinako Nakba eguna gogoratzen da. "Hondamendia" esan nahi du arabieraz, mugimendu sionistak palestinarren garbiketa etnikoa hasi baitzuen egun horretan 1948an.
Aurten 75 urte bete dira Israelgo Estatua sortu zela, eta palestinarrek erbestealdia hasi zutela. Nakbaren urteurren honetan, kolonizazio sionistaren kontra elkartu dira Gasteizen dozenaka lagun, Boikot, Desinbertsio eta Zigor (BDZ) kanpainak antolatutako elkarretaratzean. Palestinari elkartasuna adierazi diote, askatasunaren aldeko erresistentzian eta borrokan.