Gazteei zuzendutako aisialdi osasuntsu eta alternatiboa sustatzeko helburuarekin, udazken-neguko programazioak 24 jarduera eskainiko ditu, guztira 340 plazatik gora, abenduaren 20ra arte. Programazioa gazteekin elkarlanean diseinatu da, eta lantegi artistikoak, irteerak, ekintza eszeniko eta kulturalak, ipuin lehiaketa, sukaldaritza sortzailea, musika elektroniko ekoizpen saioak eta bideo-jokoen txapelketa barne hartzen ditu.
Ekintza guztiak doakoak dira eta, berrikuntza gisa, denboraldi honetan pertsona bakoitzak gehienez 3 jardueratan izena emateko aukera du.
Lehen jardueretan izena emateko aukera irailaren 8tik aurrera izango da; besteetarako, berriz, izen-emateak pixkanaka zabalduko dira datozen asteetan. Izen-emateak Gasteizko Udalaren webgunearen bidez egingo dira.
Programazioak gazteen parte-hartzea eta aniztasuna sustatzea du helburu, gustu eta interes ugaritara egokitutako proposamenekin.