Gaur ezagutarazi dira II. Hizki Laburren Lehiaketaren irabazleak

Erabiltzailearen aurpegia

Gaur ezagutarazi dira II. Hizki Laburren Lehiaketaren hiru lan irabazleak. Hurrengo asteazkenean ospatuko da sari banaketa 19:00etan Oihaneder Euskararen Etxeko Ortuño aretoan.

Oihartzun’ hitza abiapuntu izanik, gehienez 1000 hitz erabiliz istorio bat kontatzea izan du xede bezala Hizki Laburren Lehiaketa-ren bigarren edizio honek. Azaroaren 15era arte luzatu da lanak bidaltzeko epea eta guztira 16 lan jaso dira.
 
Aurreko edizioan bezala, honetan ere nabarmentzekoa da jasotako lanen kalitate aparta, eta parte hartzaile guztiak zoriondu eta eskertzeko tartea hartu nahiko genuke hau. 
 
Bestetik, aipatzekoa ere jasotako lanetan jorratu diren gai anitzak eta interesgarriak: umorea, egungo arazoak, mitologia, norbanakoen bizipenak… 
 
Hiru lan izan dira sarituta suertatu direnak:
  • Lehenengo saritua: 'Eman eta jaso' - Oihana Arana
  • Bigarren saritua: 'Plazerra margotuz' - Joyce Errasti
  • Hirugarren saritua: 'Euskalduna' - Ixone Santamaria.
Sari banaketa azaroaren 24an izango da Ortuño Aretoan, 19:00etan, eta ekitaldia borobiltzeko Jon Basagurenek kontzertua eskainiko du. Gonbidapenak aldez aurretik eskuratu beharko dira.  
 
Lan guztiak irakurgai egongo dira Gauekoak programaren webgunean.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide