Dagoeneko 4. edizioa bete du Hizkuntza Gutxituetako Munduko Gazteen Topaketak (HIGA), bi urtetik behin Gasteizen egiten dena, Montehermoso Kulturunean. Aurten, munduko 60tik gora hizkuntza gutxitu entzun ahal izan dira, hainbat eta hainbat jatorritako gazteek ekarri dituztenak, inoiz baino gehiago. Bost egun luzeetan denetariko ekintzak eta aurkezpenak egin dituzte, eta beste behin lortu da oso urrun eta aldi berean oso hurbil dauden hizkuntza desberdinetako hizlari gazteen arteko saretzea.
Maialen Sobrinok parte hartu izan du beste edizio batzuetan, eta oraingoan antolakuntza taldean izan da. Jardunaldi aberats hauen garrantzia azpimarratu du, "balio dutelako elkar ezagutzeko, elkarren bizipenen berri izateko, kezkak partekatzeko, aktibismo moduez ikasi eta orain eman eta jasotzeko".
Hain zuzen ere, Sobrinok uste du jardunaldi honetan sortzen dela giro eraikitzailea, motibatzailea eta elkar babestekoa, non harreman hobeak lantzeaz gain, balio dutenak ikusi eta ikasitakoa etxekotzeko.
Albiste hau EUSKARABAk argitaratu du eta Creative Commons by-sa lizentziari esker ekarri dugu ALEAra. Jatorrizko albistea hemen duzu osorik ikusgai.
