Lau lagun erreskatatu dituzte Gasteizen, sute batean

Erabiltzailearen aurpegia
Egilea: Gasteizko Suhiltzaileak. @BOMBEROS_VG

Xabier kaleko 18. zenbakian piztu da sua, 5:40ak aldera.

Sutearen abisua jaso ondoren, Xabier kaleko 18. zenbakira joan dira Ertzaintza, anbulantziak eta suhiltzaileak. Iritsi direnean, hainbat bizilagun zeuden bigarren pisuko balkoi batean laguntza eske. Suhiltzaileek eraikinetik atera dituzte, balkoitik bertatik. Ondoren, osasun zerbitzuek artatu dituzte anbulantzian.

Sutearen ondorioz, eraikineko bizilagunak atera dituzte. Guztiek itzuli ahal izan dute beren etxeetara 6:30ak aldera.

Oraingoz, ez dute argitu sutea zer dela eta piztu den.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide