Hala Bediko kazetaria, absolbituta

Erabiltzailearen aurpegia
'Mozal legea' salatu zuten Hala Bediko kazetariek. HALA BEDI

Ertzaintzak 600 euroko isuna jarri zion, 'mozal legea' baliatuta. Epaileak dio ez dela frogatu kazetariak ertzainen aurka egin nahi izan zuela

Mikel Sainz de Buruaga kazetariak ez du ordaindu beharko Ertzaintzak ezarritako 602 euroko isuna. Hala erabaki du Cristina Ruiz Oteiza epaileak. Haren iritziz, epaiketan ez da frogatu isunak zigortutako ekintzarik: hots, ez da egiaztatu Hala Bediko kazetariak polizien agindu bat ez zuela bete nahi izan. «Zigortu nahi den arau-haustearen erruduntasun froga falta da», ondorioztatu du Ruiz Oteiza epaileak. Beraz, absolbitu egin du Saenz de Buruaga, eta Eusko Jaurlaritza zigortu du auzibideak eragindako kostuak ordaintzera. Epaia behin betikoa da, eta ezin zaio helegiterik jarri.

2017ko maiatzean jazotako gertakariengatik jarri zion isuna Ertzaintzak Saenz de Buruagari, mozal legea baliatuta. Kazetaria Hala Bedirako ari zen lanean, Gasteizko Errekaleor auzoko argindarra moztu zuten eguneko operazioaren berri ematen. Hainbat hilabete geroago, Ertzaintzak isuna bidali zion, ertzainen aginduen aurka polizia hesia apurtzeagatik. Hala Bedik erantzun zuen ez zuela isuna ordainduko, eta, areago, «amaierara arte» heltzeko asmoa agertu zuen. Hedabidearen esanetan, izan ere, Segurtasun Sailak jarritako salaketa argudio «faltsuetan» oinarrituta zegoen.

Albiste hau Berriak argitaratu du eta Creative Commons by-sa lizentziari esker ekarri dugu ALEAra. Jatorrizko albistea eta informazio osatuagoa hemen duzu ikusgai.

Erlazionatuak

Ilegala banaiz, alda zuen legea

Araba

"Zergatik eman dio orduan Eusko Jaurlaritzak balio gehiago poliziaren hitzari, kazetariaren hitzari baino?" 
Mikel Saenz de Buruaga: "Espero dugu laster iraganeko kontua izatea Mozal Legea"

Araba

Mikel Saenz de Buruaga Hala Bediko kazetariaren kontrako epaiketa gaur hasi da Arabako Auzitegi Probintzialean, akusatu modura, 2017ko maiatzean Ga...

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide