Gazte bat hil da Villabuenan, sute batean

Erabiltzailearen aurpegia
Gazte bat hil da Villabuenan, sute batean
Villabuena inguruko mendietan jazo da ezbeharra.

Sua itzali ondoren atzeman dute 19 urteko mutilaren gorpua, pinudi bateko txabola baten inguruan.

19 urteko mutil bat hil da Villabuena herrian, sute batean. Eusko Jaurlaritzako Segurtasun Sailak berri eman duenez, pinudi batean piztu zen sua atzo gaueko hamarrak aldera, eta hura itzali ondoren topatu zuten gorpua suhiltzaileek. Ertzaintza gertatutakoa ikertzen ari da, eta Gasteizko insitutu patologikora eraman dute gorpua.

Suhiltzaileek sua itzali ondoren aurkitu zuten gorpua basoan. Txabola baten arrastoak ere bazeuden inguruan.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide