alea.eus

Kalean da Alfredo Remirez presoa

Erabiltzailearen aurpegia Arantxa Elizegi 2018-11-03 09:59   Politika

Goizean irten da amurrioarra Zaballako espetxetik. Urtebete egin du kartzelan, Amurrioko jaietan preso baten panpina ateratzeagatik.

Goizeko bederatzietarako minutu gutxi batzuk falta zirela irten da Alfredo Remirez Zaballako espetxetik. 2017an atxilotu zuten Remirez, Armiarma operazioaren baitan. Orduan, urte erdiko zigorra jarri zioten sare sozialetan "terrorismoa goratzea" egotzita. Ordea, aurretik, 2009an, ezarritako zigorra baliatu zuten hura kartzelara bidaltzeko. Auzitegiek urtebeteko espetxealdia ezarria zioten herriko jaietan preso baten panpina ateratzeagatik. 

Aurretik jarritako zgorra aintzat hartu zuten auzitegiek amurrioarra espetxeratzeko. Urte bat egin du preso Remirezek. Azken hilabeteak Basaurin. Hilabeteotan asteburuetan irteteko baimenak jaso ditu, besteak beste, Bilboko epitegien aurrean Iñigo Cabacasen senideei babesa ematen izan zen. 

Espainiako Auzitegi Nazionalak 2009an ezarri zion urtebeteko espetxe zigorra Remirezi, baina bi urtetik beherako zigorra zenez, ez zuen bete behar izan. Ordea, bost urte baino lehen beste delituren bat eginez gero, preso sartzeko aukera zuen.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa