Larriki gaixo dago Oier Gomez preso gasteiztarra

Erabiltzailearen aurpegia
Larri dauden presoen egoera salatzeko Gasteizen egindako kontzentrazioa. / A. Aristi

Zigor etete eskaera bat egin zuten euskal presoaren abokatuek otsailaren 2an.

Pitie Sapetriere ospitaleko medikuen txostenaren arabera, Oier Gomezen bizia arriskuan da. Sarkoma tumorea ezin izan diote osoki kendu, eta bere egoerak mediku zaintza handia eskatzen duela azpimarratu dute; besteak beste, radioterapia, kimioterapia eta kinesiterapia iraunkorrak behar dituela diote txostenean: "Presondegian egotearekin batera ezina da".

Bagoaz kolektiboak ohartarazi du, gaur egun orain, bereziki zaindutako presoa dela Gomez, DPS estatusa duena. "Horrek bere egunerokoa baldintzatzen du: segurtasun neurri zorrotzak betetzera behartua da", deitoratu du Emili Martin kolektiboko kideak. Horregatik, zigor etete eskaera bat egin zuten euskal presoaren abokatuek otsailaren 2an.

Bagoaz kolektiboak salatu du euskal presoek egoera inhumanoa bizi dutela gaur egun. PSn gobernuaren erantzunkizuna arbuiatu dute. "PSn gobernuaren ausardia politiko falta agerikoa da; euskal presoen askatze prozesua blokeatzen du". Horregatik, interpelazio lan bat abiatuko dutela adierazi du Martinekin, bai Frantzia mailan bai Euskal Herrian, sostenguak bilatuta. Martxoaren 25erako aurreikusia zuten manifestazioaren leloa ere egokitu dute larriki eri diren eta kondena luzeak dituzten euskal presoen askatzea eskatzeko.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide