Gasteizko Udalaren kirol esparruko diru-laguntzak esleitzeko orduan, 20 puntu eskuratuko dituzte entitateek Euskara ziurtagiriren bat baldin badute. Behean duzuen argazkian, adibidez, berriki argitaratutako diru-laguntzen deialdiaren zatia duzue:
Bai Euskarari ziurtagiria euskara erabiltzeko lanean ari diren enpresak, saltokiak eta era guztietako entitateak identifikatu, aitortu eta pausoak ematen laguntzen dituen ziurtagiria da.
Ziurtagiria eskuratze-prozesuan elkarteko aholkulariek laguntzen dute metodologia erraz baten bidez.
Zure erakundearen euskara-egoera zein den jakin nahi izanez gero, auto-diagnostikoa egin dezakezu eta euskara-maila zehatza jakiteko eta hobetzen laguntzeko zurekin harremanetan jarriko dira Bai Euskarari Elkarteko aholkulariak.
Izan zaitez ALEAkide!
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.