Gaur, abenduak 3, Euskararen Eguna da. Gurean, egunero da Euskararen Eguna.
Bai Euskarari Elkartea egunero ari da alor sozioekonomikoaren espazioak euskaraz betetzeko lanean, euskaraz lan egin eta euskaraz bizi nahi dutenei tresna, bitarteko zein proiektu baliagarriak eskainiz. Egin eta egin, euskarak espazio berriak lortzea eragiteko. Eta bidea ez dugu bakarrik egiten, egin eta eragiten lagun zaituztegu Bai Euskarari komunitatea osatzen duzuen guztiok. Egiten eta eragiten dugulako gara komunitate, gara eragile, zarete eragile eta zarete eredu.
Ospatzeko eguna dugu abenduaren 3a, baina baita aldarrikatzekoa ere, euskaraz lan egin eta euskaraz bizi nahi dugula esatekoa. Horregatik, egunerokoan espazioak euskaraz betetzeko lanean ari zaretenontzako kartel hau egin dugu, gurean egunero dela Euskararen Eguna nabarmentzeko.
Deskargatu eta erabil ezazue nahieran.
Izan zaitez ALEAkide!
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.