Bai Euskarari Ziurtagiria eskuratzearekin batera, entitateek urtero zenbait helburu zehazten dituzte euskaraz ematen duten zerbitzua ahalik eta zabalena izan dadin. Helburu horiek betetzean lorpen bat izan ohi da beraientzako eta, hori aintzat hartuta, 'Ziurtagiridunen lorpenak' izeneko atala osatzen ari gara.
Lorpen txiki bakoitza urrats handi bat da arlo sozioekonomikoaren euskalduntzean eragiteko eta pauso horiek ematen laguntzen du Bai Euskarari Ziurtagiriak.
Apirilean lorpen hauek izan ditugu:
Ormak Construccion-ek lorpen hauek egin ditu:
- Argindarraren ordainagiria euskaraz dute orain.
- Diruzaintza azterketa euskaraz egin dute aurten.
Altxata Kultur eta Kirol Elkartea produktuen eta zerbitzuen tarifak elebitan izatetik, euskara hutsera izatera pasa da.
Saragueta Aholkularitzak honako lorpenak egin ditu:
- Aurrekontuak gazteleraz izatetik elebitan izatera pasa dira.
- Ohar eta iragarki taula eta intraneta elebitan izatetik euskaraz izatera pasa dira.
- BEZ aitorpena gazteleraz egitetik elebitan egitera pasa dira.
Takatuka Bidaiak-ekoek larrialdietako panelak eta itzalgailuak elebitan jarri dituzte (aurretik gaztelaniaz zituzten).
Tapuntu Koop. Elk. Txikia-k estatutuak gazteleraz zituen eta elebitan idatzi dituzte.
Berako Udal Haurtzaindegiak telefonoaren arreta, jakinarazpenak, kontu laburpenak, bezeroentzako atala,… euskaraz jarri ditu.
Zorionak denoi!
Ziurtagiria eskuratu nahi duzu?
Bi bide dituzu:
1. Bete autodiagnostikoa: baieuskarari.eus/eu/auto-diagnostikoa eta gu jarriko gara zurekin harremanetan!
2. Jarrai gurekin kontaktuan: (+34) 943 59 21 48 / (+33) 6 03 49 43 65 / info@baieuskarari.eus
Izan zaitez ALEAkide!
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.