2026ko Arabako Bertsolari Txapelketa urtarriletik martxoaren 28a bitarte burutuko da.
Aurtengo udazkenean berriz, Txapelketara sailkatze fasea jokatuko da, beraz gai-jartzaile taldea martxan jartzera doa.
Deialdi zabala egin nahi dugu gai-jartzaile taldean parte hartu nahi duenarentzat.
Interesa dutenekin bilera bat egingo dugu irailaren 23ean, asteartea, 18:00etan Gasteizko Amaia zentroan; datak, faseak, ariketak, lan dinamika… azaltzeko eta gaiak lantzen hasteko.
Gai-jartzaile taldean parte hartzeko aukera ezberdinak daude: gaietarako ideiak ematen, gaiak sortzen, saioak aurkezten...
Interesa izanez gero harremanetan ipini araba.sustapena@bertsozale.eus helbidean edota 675707971 telefono zenbakian.