Pereak eta Abarrategik irabazi dituzte Arabako Bertsolari Txapelketaren azken final zortzirenak

Erabiltzailearen aurpegia Arabako Bertsozale Elkartea 2022ko api. 11a, 09:35

Asteburu honetan Legution eta Langraiz Okan jokatutako final zortzirenak irabazita, Oihane Pereak eta Peru Abarrategik Arabako Bertsolari Txapelketaren final laurdenetarako txartela lortu dute.

Oihane Pereak Legutioko Kultur Etxean irabazi du Arabako Bertsolari Txapelketaren hurrengo faserako laugarren txartela, ostiralean. Arratsalde euritsuari umore eta giro polita jarri diote bertsolariek laugarren final zortzirenean.

Jokoan aritutako sei bertsolariak honako hauek izan dira:

  • Oihane Perea (Zalduondo): 201 puntu

  • Ekaitz Samaniego (Gasteiz): 199 puntu

  • Orlando Arreitunandia (Mutriku): 184 puntu

  • Rikardo Gonzalez de Durana (Oreitia): 178,5 puntu

  • Xabier Lasa (Dura): 162,5 puntu

  • Unai Bengoetxea (Andoain): 157,5 puntu 

Lehenengo fase honetan hamarna bertso puntuagarri kantatu dituzte bertsolariek. Ariketa guztiak egin ondoren, Oihane Pereak lortu du puntu gehien, 201 puntu. Bost final zortzirenetako puntuazioaren hurrenkeran osatuko dira final laurdenak. Hamaika lagunez osatutako gai-jartzaile taldetik Lierni Altuna izan da Legutioko aurkezlea, Eli Plazaolaren ordezko. Lehen faseko final zortzirenetako epaimahaia, horrela osatuta dago: Ekaitz Elorriaga, Egoitz Iradier eta Manex Garaio.

Peru Abarrategi, irabazle Langraizen

Bestalde,  Langraizen jokatutako azken final zortzirena Peru Abarrategik irabazi du, larunbatean, eta, azken final zortzireneko puntuazioa jakinda, maiatzean jokatuko diren final laurdenak definituta geratu dira. 30 bertsolariekin jokatu den txapelketako lehen fasea amaitutzat eman da.

Jokoan aritutako sei bertsolariak honako hauek izan dira:

  • Peru Abarrategi (Aramaio): 204,5 puntu
  • Maddi Agirre (Gasteiz): 191,5 puntu
  • Felipe Zelaieta (Mallabia): 181,5 puntu
  • Markel Yoller (Ilarduia): 179 puntu
  • Unai Mendibil (Amurrio): 177 puntu
  • Iñaki Cabeza (Laudio): 153,5 puntu

Hamaika lagunez osatutako gai-jartzaile taldetik Oier Azkarraga izan da Langraizen aurkezle, Oier Suarezen ordez.

Hurrengo saioa maiatzaren 7an izango da Dulantzi, bertako Mikaela Portilla Kultur Etxeko aretoan, 17:30ean. Honela geratuko dira osatuak 1. final laurdena, 2. final laurdena eta 3. final laurdena.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide