Urriaren amaieran abiatuko da, Aiaraldeko Ekintzen Faktoriarekin elkarlanean, 8-14 urte bitarteko gaztetxo eta nerabeentzako bertso eskola. Urriaren 29ra bitartean izango da Aiaraldeko Faktoriako bertso eskolan izena emateko aukera.
Astearte edo asteazkenetan izango da bertso eskola Laudioko Basalarrina Elkartean hasieran, eta Faktorian gerora, ordubeteko iraupenez eta astean behineko maiztasunez, azarotik ekainera bitartean. Izena ematera animatzen direnen artean erabakiko da eskolako eguna eta ordua.
Bestetik, urriaren 30ean, 19:00etan, izena ematen dutenek elkar ezagutzen hasteko parada izango dute. Faktorian bertan, ekintzaren antolaketaren berri emango da, eta bertsoak entzuteko aukera izango da, tokiko elikagai eta edariak lagun.
Informazio gehiago Arabako Bertsozale Elkartearen webgunean.