Arabako Foru Aldundiak eta Arabako Bertsozale elkarteak Bertsoa Bizi Gazte bideo klip eta zuzeneko lehiaketa aurkeztu dute. Lehiaketaren oinarriak, sariak eta maiatzaren 23an Legution izango den festa handiaren berri eman dute.
14-18 urte bitarteko gazteentzako proposamena da. Gutxienez hiru eta gehienez zortzi laguneko taldea osatu eta 2-3 minutuko bideoklipa bidali beharko dute maiatzaren 15a baino lehen bertsoabizi@gmail.com helbidera.
Gazteen euskarazko sormena lantzeko, aurretik 1.500 ikaslerekin lanketa egin dute DBHko 18 ikastetxetan.
Informazio gehiago topatuko duzue Arabako Bertsozale Elkartearen webgunean.