Larunbat arratsaldean, Gasteizen jokatu zen Arabako Bertsolari Txapelketako finala eta ezenatokian, arabar bertsogintza irudikatzen duen bidea.
Oier Suarez aurkezle eta Marta Ugarte gai-emaileren eskutik sei bertsolariek ariketa puntuagarriak bukatuta, Iñaki Viñaspre eta Manex Agirre pasatu ziren buruz-burukora. Azken ariketak bien artean jokatu ondoren, Viñaspre nagusitu zen eta beraz bera da 2019ko Arabako txapelduna da.
Finaleko epaimahaiko 5 kideek horrela puntuatu zituzten 6 bertsolariak:
- Iñaki Viñaspre Simon, 612 puntu
- Manex Agirre Arriolabengoa, 596,5 puntu
- Xabi Igoa Eriz, 409,5 puntu
- Oihane Perea Perez de Mendiola, 399 puntu
- Peru Abarrategi Sarrionandia 384,5 puntu
- Aroa Arrizubieta Barredo, 363 puntu
Lierni Altunak jantzi zion txapela txapeldunari eta ondorengo hitzekin eman nahi izan zituen eskerrak txapeldun berriak.
Txapeldunaren bukaerako agurra
Bai garaia zen ja probatzeko
benetan hau da itzela,
ta ze marroi eskaintzearena
bati bakarrik txapela
bertso eskolarentzat
izan ahal zen
baina uste dut ez dela
Lierni bisita lagun, kidea
baina gaur dugu bestela
amarentzako, amaientzat
baina ez da hain epela
uste dut badakitela
Iratxe eta Ekaitz argi dut
hau merezi duzuela
eta etxean nahi zaituztegu
txori askeak bat bezela