Uztailaren 2ra arte zabalik dago Arabako Bertsolari Txapelketan parte hartzeko izen-ematea. Txapelketaren aurkezpena urtarrilean izango da eta martxoaren 30era bitartean burutuko da. Aurretik, 2018ko udazkenean, kanporaketak egingo dira.
2017ko sei finalistak zuzenean sailkatuta daude otsailean hasiko den 2019ko txapelketan, baldin eta izena ematen badute. Edizio horretako finalera sailkatu ez ziren bertsolari guztiek kanporaketetan kantatu beharko dute, urriaren erdialdetik azaroaren erdialdera bitartean antolatutako kanporaketetan.