Bertan Kurdistan eta Sardiniako inprobisatzaileak arituko dira, Xabi Igoa eta Beñat Gaztelumendi bertsolariekin batera.
Aramaioko saioa apirilaren 23an izango da Kultur Etxean, arratsaldeko 19etan hasita. Sarrerak 5€ balio du, egunean bertan salgai ipiniko dira saioa hasi baino ordubete lehenagotik.
Saioan kantu inprobisatuaren hiru adierazpide entzuteko aukera izango da: Euskal Herriko bertsolariak, Sardiniako cantadoriak eta, Kurdistango dengbêja. Itsaso Paiak aurkeztuko du saioa eta inprobisatzaileen jarduna segitu ahal izateko euskarara bat-bateko itzulpena eskainiko da.
Honako inprobisatzaileak dira Iruñeko saioan parte hartuko dutenak:
Bertsolariak: Xabi Igoa eta Beñat Gaztelumendi
Cantadoriak, inprobisatzaile sardiniarrak: Simone Monni eta Paola Dentoni. Ahots laguntzaileak: Stefano Cara eta Michele Deiana
Dengbêja, inprobisatzaile kurdua: Zinar Ala
Mintzola Ahozko Lantegiak eta Donostia 2016 Europako Kultur Hiriburuak antolatu dute ekitaldi hau, Arabako Foru Aldundia eta Aramaioko Udalarren laguntzarekin.
Aramaioko saioaz gain, apirilaren 16tik 23ra beste sei saio egiten ari dira Bilbo, Hernani, Donostia, Iruñea Markina-Xemein eta Uztaritzen.
“Europa bat-batean” egitasmoaren inguruko informazio osoa www.europabatbatean.eus webgunean aurkituko duzue.