TXAPELKETA OSORAKO BONUAK ON LINE SALGAI
Dagoeneko eskuragarri daude Araba Euskarazeko web orrian txapelketaren hiru jardunaldietarako baliagarria den bonua 10 €-ko (+ kudeaketa gastuak) prezioan. Bonuak soilik on-line eskuratu ahal dira. Lehenengo eta bigarren finalerdiko zein finalerako eguneko sarrerak on-line erosteko epea, datorren apirilaren 3ko eguerdian irekiko da, 5 €-ko (+kudeaketa gastuak) salneurriarekin finalerdi bakoitzaren kasuan, eta 7€-ko (+kudeaketa gastuak) prezioan finalaren kasuan. Eguneko sarrerak erosteko on-line salmenta kanala partida bakoitza hasi baino bi ordu lehenagora arte egongo da irekita, alegia, partida egun bakoitzeko arratsaldeko bostak arte.
Leihatilari dagokionez, partida egun bakoitzean, jaialdia hasi baino ordubete lehenago irekiko da eguneko sarrerak eskuratu ahal izateko, arratsaldeko seiretan hain zuzen ere, 7 €-ko prezioan finalerdi bakoitzaren kasuan eta 9 €-ko prezioan finalerako sarbidea.