Amurrion izango da Bertsolari Txapelketa Nagusiaren hurrengo zita. Finalaurrekoen bigarren itzuliko lehen saioa egingo da igandean Bañueta kiroldegian, 17:00etan.
Sei bertsolari arituko dira norgehiagokan: Beñat Gaztelumendi Arandia, Nerea Ibarzabal Salegi, Sustrai Colina Acordarrementeria, Jon Maia Soria, Etxahun Lekue Etxebarria eta Jon Martin Etxebeste. Aintzane Irazusta Arzallus izango da aurkezlea. Bertsosarrerak.eus atarian erosi daitezke sarrerak. Aiaraldea hedabideak jarraipen berezia egingo du, atarian ikusi ahalko da zuzenean emanaldia.