Kolektiboak nabarmendu du URAren ezintasuna, kasu onenean, eta konplizitatea okerrenean, isurketa kutsatzailearen egileak aurkitzeko. Kasua are larritzat jo dute, izan ere, Eusko Jaurlaritzako agentziak eta zenbait erakundek gertakariaren berri izan zuten herritarrek baino askoz lehenago.
Neurriak hartu
Zentzu horretan, taldeak eskatu die erakundeei azpiegiturak -Markixana eta Basaurbeko araztegiak- eta bitartekoak sortzea isurketak eta kutsadura ekiditeko: "Lotsagarria da XXI. mendean Aiaraldeko milaka herritarrek euren hondakinak ibaian isurtzea".
Goi Nerbioi Bizirikek URA agentziaren datuak gogoratu ditu azpimarratzeko ibaiaren egoera ez dela bat ere ona: "Neurketen hiru puntuen arabera (Luiaondo, Saratxo eta Arakaldo) bitan baldintza fisiko-kimikoak ez dira egokiak, amonio eta fosfatoen mugak gainditzen dira eta animalien biziraupena bermatzeko baldintzak ez dira jazotzen. Hori gutxi izango balitz, Saratxon eta Luiaondon merkurioa eta metakloratoa topatu dira eta selenioaren mugak gainditu dira".
Goi Nerbioi Bizirikek gogor salatu du URA ez dela gai izan topatzeko iraileko isurketaren jatorria
2017ko urr. 16a, 14:36
Goi Nerbioi Bizirik kolektiboak oharra zabaldu du kritikatzeko URAk hiru aste baino gehiago izan dituela azaltzeko milaka arrain hil zituen isurketaren jatorria eta ez dela gai izan. Berez, agentziak ez du zehaztu nork eragin zuen eta zer gertatu zen. Ondorioz, ez da zigorrik egongo.
ALBISTEAK MUGIKORREAN
ALEAren albisteak Whatsapp edo Telegram bidez jaso nahi dituzu?
WHATSAPP: Bidali ALEA hitza 645 66 86 02 telefono zenbakira.
TELEGRAM: Batu zaitez @ArabakoALEA kanalera.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?
Izan zaitez ALEAkide