Helegitea ukatuta, Alfredo Remirez espetxeratzea erabaki du Espainiako Auzitegi Nazionalak

Erabiltzailearen aurpegia Aiaraldea Gaur 2017ko ira. 26a, 12:39
Irudia; Aiaraldea

2009an Amurrioko txupinazoan preso baten panpina ateratzeagatik espetxeratzeko erabaki irmoa hartu du Espainiako Auzitegi Nazionalak. Urtebeteko zigorra betearazi nahi diote Remirezi.

Alfredo Remirez amurrioarrak Auzitegi Nazionalean aurkeztutako errekurtsoa atzera bota du epaitegiak. Abokatuak Aiaraldea hedabideari jakinarazi dionez, momentuz ez du jaso kartzelaratze agindurik. "Zelan eta non errekurritu aztertzen ari gara. Autoa irmoa da, helegiteak ez luke bertan behera utziko agindua. Hala ere, geratzen saiatuko gara, edozein unetan eman lezakete espetxeratze agindua".

2017ko otsailean epaitu zuten Remirez, sare sozialetan terrorismoa goratzea egotzita. Akordioa lortu zuen defentsak orduan: urte eta erdiko kartzela zigorra eta 14 urte eta sei hilabeteko inhabilitazioaren kondena dela medio ez zen izan kartzelaratua. "Txiolarien epaiketarekin atzera bota dute 2009ko auziaren suspentsioa, eta espetxe zigorra betetzea ebatzi du epaitegiak. Zigorra berez ez diote ezarri, 2009an ezarritakoaren suspentsioa atzera botatzea da egin dutena", adierazi du abokatuak. 

Sare sozialetan babes handia jasotzen ari da Alfredo Remirez @erreharria; besteak beste, Jabi Azurmendi Arakaldoko alkatearena, Katixa Agirre idazlearena edo Oihana Bartra bertsolariarena.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide