5.000 sinadura bildu nahi ditu Gure Esku Dagok Aiaraldean herri galdeketa egiteko 2018an

Erabiltzailearen aurpegia Aiaraldea Gaur 2017ko ira. 11a, 10:01
Gure Esku Dagok egindako agerraldia. Argazkia: aiaraldea.eus

Gure Esku Dago plataformak agerraldi jendetsua egin du Arespalditzan jakinarazteko urrats berriak egingo dituela herri galdeketak gauzatzeko 2018an.

Arespalditzako Udaletxean egin du prentsaurrekoa Aiaraldeko Gure Esku Dago plataformak iragartzeko sinadura bilketa abiatuko duela. Ekimenaren helburua da 5.000 sinadura jasotzea Aiaran, Artziniegan, Okondon, Amurrion eta Laudion.

Sinadura kopuru horrekin babes nahikoa eskuratu nahi dute 2018an herri galdeketak antolatzeko aipatutako herrietan. Aiaraldea Bat ekimenak, ordea, 3.000 sinadurako helburua jarri du, herrietako %10, alegia. Kanpaina azaroan bukatuko da.

16 urtetik gorako herritarrei galdetu

Erabakitzeko eskubideari buruzko galdeketa egin nahi dute eskualdean eta euren iritzia eman dezaten deituko dituzte 16 urtetik gorako herritarrak.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide