Talleres Gometegui enpresa hartzekodunen konkurtsoan dago

Erabiltzailearen aurpegia

Hedabideek zabaldu dute Talleres Gometegui Laudioko enpresa hartzekodunen konkurtsoan dagoela. Hala ere, langileek ez dute mobilizaziorik deitu, espero baitute egoera konpontzea.

Enpresak zenbait arazo izan ditu finantzazioa lortzeko, antza. Alde batetik, bi bezero garrantzitsuk eskaerak egiteari utzi diote, eta horietako bat General Electric, gainera, ixtear dago.

Bestalde, enpresaren finantziazio iturririk nagusienak, Banco Popularrek, porrot egin du eta gero eta zailagoa egiten zaio Gometeguiri kredituak eskuratzea.

Gauzak horrela, enpresak 13 milioi euroko zorra dauka banketxeekin eta boluntarioki jo du hartzekodunen konkurtsora, akordioa adosteko zorra duten entitateekin.

Soldatak jasotzeke

Langileei ere zor dizkie bi soldata, ekainekoa eta uztaileko apartekoa. Hurrengo egunetan abuztukoa kobratzea espero dute beharginek. Zentzu berean, euren itxaropena da oraingo eskaerak bukatu ahala, egoera ondo bideratzea.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide