Iritzia

Eskola duina nahi dugu

Erabiltzailearen aurpegia Aldaiaberri Guraso Elkartea 2022ko ira. 5a, 13:30
Aldaialde eskolako barrakoiak, Zabalgana auzoan. / Argazkia: MARIA FERNANDO

"Hau izango da Aldaialdeko ikasleen zazpigarren ikasturtea, eta barrakoiz osatutako behin-behineko instalazioak izaten jarraituko dute. Gainera, haur guztiak hartzeko behar diren barrakoiak instalatu gabe".

Aldaialde eskolak zazpi urte daramatza behin-behineko instalazioetan, eta ikasturte hasiera ikasle berrientzako barrakoi gehiago instalatu gabe iritsi da.

"Aurrefabrikatuak urriaren 6ra arte ez dira entregatuko, hornitu behar zituen enpresak atzerapen bat izan duelako"

Aldaialdeko familiek gure ezinegona adierazi eta gure haurrak ikasten jarraitzen duten eskola instalazioen prekarietatea salatu nahi dugu. Hau izango da Aldaialdeko ikasleen zazpigarren ikasturtea, eta barrakoiz osatutako behin-behineko instalazioak izaten jarraituko dute. Gainera, ikasturtea hasiko dute matrikulatutako haur guztiak hartzeko behar diren barrakoiak instalatu gabe.

Horrek esan nahi du hiru taldek ez dutela ikasgelarik izango. Eusko Jaurlaritzako Hezkuntza Sailetik jakinarazi digutenez, aurrefabrikatuak urriaren 6ra arte ez dira entregatuko, hornitu behar zituen enpresak atzerapen bat izan duelako. Eta, data horretatik aurrera, epeak betetzen badira, barrakoiak oraindik ezingo dira erabili, ondoren Hezkuntza Sailak bi aste inguru beharko baititu horiek hornitzeko eta eskola-erabilerarako egokitzeko.

Familien aldetik adierazi nahi dugu ez dugula ulertzen urtero barrakoien instalazioa eta egokitzapena gehiago atzeratzea, ezta egoera horiek ezin aurreikustea eta saihestea ere. Ezin dira onartu ikasturte guztietan behin eta berriz gertatzen diren atzerapenak.

"Eskolako haurrek eskubidea dute beren eskola-etapa normaltasunez bizitzeko, eta horrela ez da posible"

Gure haurrak egoera prekarioan egongo dira bere eskola garai osoan, etengabeko obrak, aurrefabrikatuak, ikasgela egonkorrik gabeko ikasturtearen hasiera... Eskolako haurrek eskubidea dute beren eskola-etapa normaltasunez bizitzeko, eta horrela ez da posible.

Eskolaren egoera nahiko larria da behin betiko eraikina daramatzan atzerapenagatik, gauza hauek kontuan ez izateko. Onartezina da ikasturtea baldintza hauetan hastea; espero dugu beharrezko neurriak hartzea atzerapen gehiago egon ez dadin eta gure seme-alabek eskola duina izan dezaten.

Eskola duina nahi dugu!

Iritzi artikulu hau argitaratzean, ALEAk ez ditu bere gain hartzen egileak adierazitako iritziak, ezta horiekin lotutako erantzukizunak. Zure iritzia bidali nahi baduzu, idatzi erredakzioa@alea.eus helbide elektronikora.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide