Frantziako Tourra 2020 | 14. etapa

Sunweb taldearen beste erakustaldi bat

Erabiltzailearen aurpegia
Soren Kragh Andersenek irabazi du Tourraren 14. etapa, Lyonen. / @LeTOUR

Soren Kragh Andersenek irabazi du Lyonen, Sunweb-ek piezak maisuki mugituz.

Andoni Urbistondo (Aiurri.eus). / Batzuk lan egin, eta besteek uzta bildu. Halaxe egongo dira taldeko autobusean Bora Hansgroheko ziklistak, etapa guztian barren hustu eta garaipeneko jokotik kanpo geratu ostean. Sunweb taldekoak, aldiz, pozarren egongo dira, lan justua baina perfekzioz osatu ostean bigarren etapa garaipena lortu dutelako Soren Kragh Andersen-ekin.

Hirschiren garaipenarekin bezala, tropeleko kontrola hautsi dute Benoot eta Hirschiren erasoekin. Horiei Kamnak, Alaphilippe-ek edota Saganek erantzun diote, baina Andersenek une egokian jo du eta aise iritsi da bakarrik helmugara, taldearen lan bikaina biribilduz.

Bihar Alpeetako lehena korrituko da. 100 kilometro lau eta lehen mailako hiru mendate jarraian bata bestearen atzetik. Bukaera Grand Colombier handian, 17 kilometro luzeko aldapatzarra eta %7.1-eko batez bestekoa. 80 kilometrotan 3.500 metroko desnibela. Norbait ausartuko al da esloveniarren diktadura hausten?

Albiste hau Aiurrik argitaratu du eta Creative Commons by-sa lizentziari esker ekarri dugu ALEAra. Andoni Urbistondoren jatorrizko kronika hemen duzue ikusgai.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide